03 Feb A Fundación Hestia difunde os proxectos recoñecidos nas Bolsas e Premios Hestia 2021
A Fundación Hestia iniciou unha serie de reportaxes e entrevistas para dar a coñecer os proxectos que foron recoñecidos na última edición de Bolsas e Premios Hestia, entregados o pasado mes de decembro nunha sesión virtual en tempo real. No acto, cunha comunicación e seis proxectos de bolsas, destacaron profesionais de Hestia Balaguer, Hestia Duran i Reynals e Hestia Palau.
O Premio ao Mellor Artigo Covid-19 abre o ciclo cunha entrevista a Elvira Lara Pérez, membro do equipo que, encabezado polo doutor José Luis Ayuso-Mateos, gañou o galardón cunha investigación que trata sobre o impacto da pandemia na a depresión e na ideación suicida.
A constatación de que as primeiras reaccións durante a pandemia tiveron máis que ver con sentimentos de medo, rabia ou tristeza que cun trastorno mental e o maior impacto nos colectivos vulnerables, e a necesidade de destinar máis recursos á atención psicosocial e á investigación son algunhas das conclusións expresadas por Lara.
Podes ler a entrevista na web da Fundación Hestia.
Bolsas de Investigación Hestia e Premios Hestia
As Bolsas de Investigación Hestia e os Premios Hestia son unha iniciativa da Cátedra Hestia de Atención Social e Sanitaria Integrada.Froito da colaboración entre a Fundación Hestia e a Facultade de Medicina e Ciencias da Saúde de UIC Barcelona, creouse a Cátedra Hestia co obxectivo de concienciar a sociedade sobre o incremento de persoas con gran número de necesidades sociosanitarias crónicas complexas.
Para conseguir estes obxectivos, a Cátedra Hestia promove a formación e a investigación científica con relación ás mellores prácticas para abordar os condicionantes da vulnerabilidade social que supoñen o envellecemento, a cronicidade, a multimorbilidade e a dependencia.
Así mesmo, fomenta a innovación e o fomento de sistemas e servizos integrados organizativos que faciliten a mellora do modelo de prestación asistencial e sociosanitaria e promove a docencia e a investigación clínica no resto das áreas que interactúan coa atención sociosanitaria, como a atención primaria, a asistencia especializada e a vixilancia da saúde mental.
+info: catedrahestia.uic.es
Sen comentarios